പൂജാമുറി എങ്ങനെ വേണം
വീട്ടിലെ പൂജാമുറിയെ വാസ്തുശരീരത്തിലെ രാജാവായിട്ടാണ് കണക്കാക്കുന്നത്. വടക്കു-കിഴക്കിന് അഭിമുഖമായി പൂജാമുറി നിര്മ്മിയ്ക്കുകയും കിഴക്കിനഭിമുഖമായി നിന്ന് പ്രാര്ത്ഥിയ്ക്കുകയും ചെയ്യുക. വീട്ടിലെ ഐശ്വര്യത്തിന്റെ പ്രതീകമാണ് അവിടുത്തെ അടുക്കള. ഇത് തെക്കുകിഴക്ക് ഭാഗത്തായിട്ടാണ് വരേണ്ടത്.
വടക്ക്, വടക്ക്-കിഴക്ക് ഭാഗത്തായി അടുക്കളയുണ്ടാക്കിയാല് അത് ആരോഗ്യപ്രശ്നങ്ങളുണ്ടാക്കും. ഈ രീതിയിലാണ് അടുക്കള പണിതിരിക്കുന്നതെങ്കില് മൂന്ന് വെങ്കലപ്പാത്രങ്ങള് തലകീഴായി സീലിങില്നിന്ന് താഴേയ്ക്ക് തൂക്കിയിട്ടാല് മതി.
പക്ഷേ ഇവ സ്റ്റൗവിന് മുകളില് തൂക്കാതിരിക്കാന് ശ്രദ്ധിയ്ക്കണം. വീട്ടില് മാസ്റ്റര് ബെഡ്റൂം എപ്പോഴും തെക്ക്-പടിഞ്ഞാറ് ഭാഗത്തായിരിക്കാന് ശ്രദ്ധിക്കണം. തെക്ക്, അല്ലെങ്കില് പടിഞ്ഞാറ് ഭാഗത്തേയ്ക്ക് തലവച്ചുവേണം ഉറങ്ങാന്. ഗൃഹനാഥന് ഒരിക്കലും വടക്കു-കിഴക്ക് ഭാഗത്തേയ്ക്ക് തലവച്ചുറങ്ങരുത്.
നെഗറ്റീവ് എനര്ജി പ്രസരിക്കുന്ന കുളിമുറികളും കക്കൂസുകളും പടിഞ്ഞാറ് ഭാഗത്തോ കിഴക്കുഭാഗത്തോ ആവുന്നതാണ് നല്ലത്. വടക്ക്, വടക്ക്-കിഴക്ക് ഭാഗങ്ങളില് ഇവ പണിയാതിരിക്കാന് പ്രത്യേകം ശ്രദ്ധിയ്ക്കണം. ഇങ്ങനെ വന്നാല് അവ ധനം, വിദ്യാഭ്യാസം എന്നിവയ്ക്കെല്ലാം പ്രശ്നം വരുത്തും.